وش يعني Git؟
Git هو نظام تحكم بالإصدارات (Version Control) يعني يخليك تتابع التغييرات في ملفات مشروعك، و ترجع النسخ القديمة من مشروعك لو خربت شي او حصلت معك مشكلة، او اذا تبي تشتغل مع فريق بدون ما أحد يكتب فوق شغل الثاني.
وش يستخدم فيه Git؟
تبي تحفظ كل تغيير سويته؟ استخدم Git.
تبي تجرب كود جديد بدون ما تخرب المشروع؟ Git.
تبي ترجع للنسخ القديمة من مشروعك؟ Git.
تبي تشتغل مع فريق؟ Git.
تبي ترفع مشروعك على GitHub؟ لازم Git.
أول خطوة: تثبيت Git
لو ما هو مثبت عندك:
من هنا: https://git-scm.com
حمل النسخة المناسبة لنظامك وثبّتها.
كيف تبدأ اول مشروع Git ؟
ادخل مجلد مشروعك:
cd my-project
سو تهيئة (init) للمشروع:
git init
هاذا راح ينشئ مجلد .git مخفي، فيه كل شي عن تاريخ المشروع.
تبي تبدا تحفظ تعديلاتك؟ استخدم هاذي الأوامر
اذا تبي تشوف حالة المشروع:
git status
يعطيك وش الملفات المعدلة واللي تنتظر الحفظ.
تضيف الملفات:
git add .
أو تحدد ملف معين:
git add index.html
كذا انت راح تجهز الملفات للحفظ، وتحدد الملفات اللي تبي تحفظها
تحفظ التعديل (commit):
git commit -m "أضفت صفحة الهوم"
اذا حطيت -m " " هاذا يعني انك راح تحط وصف للتعديل، دايم حط وصف واضح عشان ترجع له مستقبلاً.
تبي ترجع لنسخة قديمة؟
تشوف كل التعديلات (commit):
git log
ترجع لنسخة باستخدام رقم التعديل (commit):
git checkout <رقم_الكوميت>
ترجع للوضع الاساسي:
git checkout main
تبي تشتغل على فكرة بدون ما تخرب الكود الأساسي؟
استخدم الفروع (branches)
تسوي فرع:
git branch my_project
تنتقل له:
git checkout my_project
تدمج الفرع:
git merge my_project
تبي ترفع المشروع على GitHub؟
أنشئ مستودع (Repository) على موقع GitHub
اربط المستودع بالمشروع:
git remote add origin https://github.com/username/project.git
ادفع (push) المشروع:
git push -u origin main
أوامر مهمة لازم تعرفها
تبدأ مشروع Git
git init
عرض حالة الملفات
git status
تجهيز الملفات للحفظ
git add
حفظ التعديلات
git commit
عرض تاريخ التعديلات
git log
تنشئ فرع جديد
git branch
ترجع لنسخة أو فرع
git checkout
تدمج فرع
git merge
ترفع المشروع لـ GitHub
git push
تسحب التحديثات من GitHub
git pull
ملخص
Git بيكون صديقك المفضل إذا تبي مشروعك يصير منظم، وآمن، وتقدر ترجع لأي نقطة في أي وقت.
ابدأ بأوامر بسيطة، لا تحفظ، افهم الفكرة قبل وجرب.